(अघोरी खून )
लोणंद (प्रतिनिधी) –
विडणी येथे ऊसाच्या शेतामध्ये एका महिलेचा गुढ रित्या निर्घुण खून झाले असल्याची घटना घडली आहे . मृतदेहाचे शेजारी अघोरी पूजेचे साहित्य आढळून आले आहे आढळून आलेल्या आहेत.
या घटनेने विडणीसह या परिसरात भीतीचे वातावरण निर्माण झाले आहे.
याबाबत अधिक माहिती अशी ,
विडणी ता. फलटण येथील २५ फाटा नजीक व शिवाजी महाराज मठाच्या पश्चिमेच्या बाजूस विडणी गावातील डॉ.प्रदीप जाधव यांच्या ऊसाचे शेतात एका महिलेची निर्घुण हत्या झाल्याची घटना घडली आहे,
या घटनेची माहिती विडणीच्या पोलीस पाटील सौ.शीतल नेरकर यांनी फलटण ग्रामीण पोलीस ठाण्यात दिली आहे.
शुक्रवार दि.१७जानेवारी रोजी सकाळी ८ च्या सुमारास गावातील डॉ. प्रदीप जाधव हे आपल्या २५ फाटानजीक व शिवाजी महाराज मठाच्या पाठीमागील बाजूस असणाऱ्या आपल्या ऊसाच्या शेतात गेले असता त्यांना शेतामध्ये सडलेला वास आल्याने त्यांनी पाहिले असता, त्यांना आपल्या ऊसाच्या शेतात एका महिलेचा निर्घुण खून झाल्याचे दिसून आले.
त्यानंतर या घटनेची माहिती पोलिस पाटील सौ.शीतल नेरकर यांना दिली.
या ठिकाणी एका महिलेची जांभळ्या रंगाची साडी ,परकर, पांढरा रंगाचा स्कार्प, चप्पल तसेच लिंबू नारळ, काळी बाहूली हळदीकुंकू ,गुलाल, दहीभात तसेच याठिकाणी अघोरी विधी केल्याचे साहित्य आढळून आले आहे,
तसेच याच ठिकाणीच धारदार चाकू, सुरा यासारखे घातक हत्यारेही आढळून आली आहेत . या महिलेचे मुंडन केलेले केस, रक्त व तेलाचे डागही दिसून आले आहेत.
यावरून या महिलेचा नरबळी दिला असल्याचा प्राथमिक अंदाज व्यक्त होत आहे.
या घटनास्थळापासून सुमारे पाचशे मीटर अंतरावर याच महिलेची कवठी आढळून आली आहे.
तर थोड्याच अंतरावर याच महिलेचा शरीराच्या कमरेखालचा संपूर्ण भाग हिस्त्र प्राण्यांनी खालेला व सडलेल्या अवस्थेत आढळून आला या घटनेच्या परिसरात दुर्गंधी पसरलेली होती. यावरून ही घटना सुमारे दहा ते बारा दिवसापूर्वीची असल्याचा अंदाज व्यक्त होत आहे.
दरम्यान या घटनेची माहिती मिळताच अतिरिक्त पोलीस अधिक्षक वैशाली कडूकर, उपविभागीय अधिकारी राहूल धस,पोलिसनिरीक्षक सुनील महाडिक उपनिरीक्षक मच्छिंद्र पाटील शिवाजी जायपत्रे ,नागटिळे मॅडम यांनी घटनास्थळी भेट देऊन अधिक माहिती घेतली दरम्यान पोलिसांनी संपूर्ण परिसरातील शेतामध्ये पाहणी केली असून याबाबतचा अधिक तपास पोलिस अधिकारी करत आहेत.
घडलेल्या या अघोरी घटनेने विडणी व परिसरातील जनता हादरली असून परिसरात भीतीचे वातावरण निर्माण झाले आहे ,
अंधश्रद्धेचा पोटी ही घटना घडली असल्याचे दिसून येते आहे.
अद्यापही याबाबत तपास सुरू आहे.
फलटण पोलीस निरीक्षक अधिक तपास करीत आहेत.
..
