पंतप्रधान ग्राम सडक योजना कामांत गुणवत्ता वाढीसाठी प्राधान्य देणार – ना.जयकुमार गोरे
सातारा वार्ताहर
ग्रामविकास मंत्री जयकुमार गोरे यांनी मंत्रिमंडळाच्या सचिव व अधिकारी यांची बैठक घेऊन महाराष्ट्र राज्यातील मुख्यमंत्री सडक योजना व पंतप्रधान सडक योजना याबाबत चर्चा केली व कामाचा दर्जा सुधारण्यासाठी काय उपाय योजना करता येईल याबाबत चर्चा केली.
प्रधानमंत्री ग्राम सडक योजना व मुख्यमंत्री ग्राम सडक योजनेच्या माध्यमातून तयार करण्यात येणाऱ्या रस्त्यांच्या कामात पारदर्शकता व गुणवत्तापूर्ण कामाला प्राधान्य देण्याचे निर्देश ग्रामविकास व पंचायतराज मंत्री जयकुमार गोरे यांनी दिले आहेत. मंत्रालयात प्रधानमंत्री ग्राम सडक योजना व मुख्यमंत्री ग्राम सडक योजनेच्या तसेच कंत्राटी कामगार वेतन थकबाकीबाबत आढावा बैठक झाली. यावेळी मुख्यमंत्री ग्रामसडक योजनेचे सचिव सतिश चिखलीकर, वित्तीय नियंत्रक अभय धांडे, उपसचिव प्रशांत पाटील, कार्यासन अधिकारी विवेक शिंदे, अच्युत इप्पर, विजय चौधरी आदी उपस्थित होते.
म्हसवड येथील मोफत नगरवाचनालयात वाचन संकल्प अभियान सुरु.- अध्यक्ष नितिन दोशी यांची माहिती. दि. म्हसवड येथील मोफत नगरवाचनालयामध्ये दि. 01/01/2025 ते 15/01/2025 या कालावधीत वाचन संकल्पाचे आयोजन संपूर्ण महाराष्ट्रभर करण्यात आले असून जिल्हा ग्रंथालय अधिकारी श्रीनिवास मंगलपल्ली यांचे सुचनेप्रमाणे येथील वाचनालयात वाचन संकल्प अभियान सुरु करणेत आल्याची माहिती मोफत नगर वाचनालायाचे अध्यक्ष व म्हसवड नगरपरिषदेचे माजी नगराध्यक्ष नितिन भाई दोशी यांनी दिली. वाचनालयातील सर्व पुस्तकांची, इमारतीची स्वच्छता करण्यात आली तसेच पुस्तक प्रदर्शन भरवण्यात आले. त्याचा असंख्य साहित्यप्रेमी लाभ घेतला. वाचनालायची गोडी निर्माण व्हावी व वाचकांनी ग्रंथालयाकडे वळावे यासाठी असे उपक्रम महत्वपूर्ण असल्याचे त्यांनी विषद केले. यावेळी स्टेट बँक ऑफ इंडिया चे व्यवस्थापक श्री प्रशांत सूळ साहेब,सिद्धनाथ हायस्कुल व ज्यूनी. कॉलेज चे वाचनालायचे ग्रंथपाल श्री भारत पिसे सर, डॉ. दोशी, लोखंडे, विपुल व्होरा, मोफत नगर वाचनालयाचे ग्रंथपाल श्री सुनिल राऊत व म्हसवड मधील सुजाण वाचक उपस्थित होते.
महात्मा जोतिबा फुले प्राथमिक वडूज शाळेचे वार्षिक स्नेहसंमेलन संपन्न प्रतिनिधी वडूज -विनोद लोहार
वडूज : येथील वडूज शिक्षण विकास मंडळ वडूज संचलित महात्मा ज्योतिबा फुले पूर्व प्राथमिक व प्राथमिक शाळेचे वार्षिक स्नेहसंमेलन विविध गुणदर्शन कार्यक्रम मोठ्या उत्साहात पार पडला . यामध्ये विद्यार्थ्यांच्या कलागुणांनी उपस्थितांच्या डोळ्यांचे पारणे फेडले. सदर कार्यक्रमा दरम्यान वडूज शिक्षण मंडळाचे सर्व संचालक , हुतात्मा परशुराम विद्यालयाचे प्राचार्य डी.जे.फडतरे , पर्यवेक्षक, शिक्षक – शिक्षकेतर कर्मचारी यांची प्रमुख उपस्थिती होती. विविध गुणदर्शनात नर्सरी ते चौथीच्या विद्यार्थ्यांनी कराओके ट्रॅकवर गीत मंचाने स्वागत गीत सादर केले. तर महाराष्ट्राची लोककलेची परंपरा जोपासत विद्यार्थ्यांनींनी गवळण, लावणी, लोकनृत्य, शेतकरी नृत्य, कोळी गीते , वाघ्या मुरळी डान्स, देशभक्तीपर गीते या गीतांचा अविष्कार साजर केला. याचबरोबर बॉलीवूड रिमिक्स गाणी ,साऊथ इंडियन नृत्य अशा विविध प्रकारच्या गीतां बरोबरच राज्यातच नव्हे तर देशभर वाहनांची वाढलेली गर्दी नियमांचे पालन करून कशी कमी करावी याविषयीची एक ट्राफिक रूल्स ही इंग्रजी नाटिका यावेळी विद्यार्थ्यांनी सादर करून उपस्थित प्रेक्षकांना व मान्यवरांना अचिंबित केले. दैनंदिन जीवनात समाजामध्ये प्रबोधन करण्याची गरज असल्याचे या लहान चिमुकल्यांनी समाज प्रबोधनकार नाटके सादर करून हा कार्यक्रम एका वेगळ्याच उंचीवर नेऊन ठेवल्याने कार्यक्रमात रंगत आली. उपस्थितांकडून या लहान विद्यार्थ्यांचे टाळ्यांच्या गजरात कौतुक करण्यात आले. जवळपास चार तास चाललेल्या या विविध गुणदर्शन कार्यक्रमातील सुत्र संचालन विद्यार्थ्यानीं केले व विविध कलाविष्काराने विद्यार्थ्यांनी उपस्थित प्रेक्षकांचे व मान्यवरांच्या डोळ्याचे पारणे फेडले. यामुळे उत्साहित झालेल्या प्रेक्षकांनी विद्यार्थ्यांच्या विविध कलागुणांवर बक्षिसांची सरबत्ती केली . सदर कार्यक्रमाचे प्रास्ताविक शाळेच्या मुख्याध्यापिका शितल शिंदे यांनी केले. सदर कार्यक्रम उत्कृष्टरित्या पार पाडण्यासाठी सतीश पवार, सुवर्णा लोहार ,मनीषा खाडे ,सुजाता जाधव , संज्योती पवार, मिलन देशपांडे ,दिपाली टाकणे ,कल्पना यादव , शिवानी पवार या सहकार्यांनी योगदान दिले. सदर कार्यक्रमाचे धावते सूत्रसंचालन आशुतोष गवळी यांनी केले तर आभार विजया खराडे यांनी मानले .
फोटो : महात्मा ज्योतिबा फुले प्राथमिक शाळेच्या वार्षिक स्नेहसंमेलनात नृत्य सादरीकरण करता दुसरी तील विद्यार्थी ( विनोद लोहार)
