मायणी परिसर पत्रकार संघातील पदाधिकाऱ्यांचा महाराष्ट्राचे ग्रामविकास व पंचायत राज मंत्री ना. जयकुमार गोरे भाऊ यांची सदिच्छा भेट घेण्यात आली. यावेळी मायणी पोलीस स्टेशन होण्याबाबत चर्चा झाली. तसेच मायणी पक्षी संवर्धन आरखडा निधी बाबत चर्चा झाली. याबाबत भाऊंनी सविस्तर चर्चा करून लवकरच संबंधित विभागामार्फत वरील प्रश्न सोडवू असे सांगितले. यावेळी समवेत मायणी परिसर पत्रकार संघाचे कार्याध्यक्ष संदीप कुंभार,पत्रकार सतीश डोंगरे,विशाल चव्हाण, अमोल भिसे उपस्थित होते. यानिमित्ताने मंत्री पद मिळाले बद्दल जयकुमार गोरे यांना शुभेच्छा देण्यात आल्या. तसेच मायणी परिसर पत्रकार संघ.नूतन कार्यकारणी पदाधिकारी यांना नामदार जयकुमार गोरे यांनी शुभेच्छा देताना आपण सदैव पत्रकारांच्या सोबत असल्याचं सांगितले.
मायणी प्रतिनिधी—खटाव तालुक्यात प्रतिष्ठित असणाऱ्या जयराम स्वामी विद्या मंदिर येथील दिनांक 10 जानेवारी व 11 जानेवारी 2025 रोजी यमुना स्पोर्ट्स कॉम्प्लेक्स नवी दिल्ली येथे झालेल्या आंतरराष्ट्रीय रोबोटिक स्पर्धेमध्ये जयराम स्वामी विद्यामंदिर वडगाव च्या सीनियर गटातील विद्यार्थ्यांनी राष्ट्रीय स्तरावर द्वितीय क्रमांक प्राप्त केला . या स्पर्धेमध्ये देशातील विविध राज्यांमधून अनेक संघांनी सहभाग नोंदविला होता त्यामध्ये द्वितीय क्रमांक प्राप्त करून दक्षिण आफ्रिका येथे होणाऱ्या आंतरराष्ट्रीय स्तरावरील स्पर्धेसाठी पात्र झाले आहेत.
सीनियर गटामध्ये
अवधूत विजय सपकाळ
ध्रुव मकरंद तडसरे
आयुष रामचंद्र राऊत या विद्यार्थ्यांनी सहभाग घेतला . तसेच मिडल गटामध्ये
सिद्धेश दत्तात्रय मगर
रुद्र संजय होनराव
रुद्र विजय सुतार या विद्यार्थ्यांनी सहभाग घेतला . या विद्यार्थ्याना अटल विभाग प्रमुख श्री.एस.टी. घार्गे व श्री. एम.एन. घार्गे यांनी मार्गदर्शन केले. सर्व विद्यार्थी आणि मार्गदर्शक शिक्षकांचे खूप खूप अभिनंदन 🌹🌹🌹
पुणे/प्रतिनिधी मराठी पत्रकार परिषद आयोजित आदर्श जिल्हा व तालुका पत्रकार संघ पुरस्कार वितरण सोहळा आणि भव्य राज्यस्तरीय मेळाव्याचे आयोजन येत्या १ फेब्रुवारी २०२५ रोजी सेलू या ठिकाणी करण्यात आले असून या कार्यक्रमास महाराष्ट्र राज्यातील डिजिटल मीडिया परिषदेचे जिल्हा व तालुका पदाधिकारी आणि सदस्यांनी आवर्जून उपस्थित रहावे.असे आवाहन डिजिटल मीडिया परिषदेचे प्रदेशाध्यक्ष अनिल वाघमारे यांनी केले आहे.
मराठी पत्रकार परिषदेचे मुख्य विश्वस्त श्री.एस.एम.देशमुख सर यांच्या आदेशानुसार व परिषदेचे विश्वस्त किरण नाईक, विश्वस्त शरद पाबळे, अध्यक्ष मिलिंद अष्टीवकर सह राज्यस्तरीय पदाधिकारी यांच्या मार्गदर्शनाखाली परिषदेच्या वतीने प्रत्येक वर्षी महाराष्ट्र राज्यातील आदर्श जिल्हा व तालुका पत्रकार संघांना यथोचित सन्मान करून राज्यातील प्रमुख मान्यवरांच्या हस्ते पुरस्काराने गौरविले जाते. या वर्षी देखील परभणी जिल्ह्यातल्या सेलू या तालुका ठिकाणच्या शहरामध्ये हा भव्य सोहळा येत्या एक १ फेब्रुवारी २०२५ रोजी होत आहे. मराठी पत्रकार परिषदेचे मुख्य विश्वस्त माननीय श्री.एस.एम. देशमुख यांनी काही दिवसांपूर्वीच या ठिकाणी भेट देऊन सेलु पत्रकार संघाची बैठक घेत पदाधिकाऱ्यांकडून आढावा घेतला. या आढावा बैठकीसाठी आम्ही स्वतः उपस्थित होतो. हा भव्य पुरस्कार वितरण सोहळा व राज्यस्तरीय मेळावा फक्त एक दिवसाचा असणार आहे. राज्यभरातुन मुक्कामी येणाऱ्या पत्रकार बांधवांच्या निवासस्थानाची व भोजनाची व्यवस्था सेलु तालुका पत्रकार संघाकडून करण्यात आली आहे. मराठी पत्रकार परिषदेशी संलग्न असलेली ही डिजिटल मिडिया परिषद आहे. महाराष्ट्र राज्यातील डिजिटल मिडिया परिषदेच्या जिल्हा आणि तालुका पदाधिकारी व सदस्यांनी या मेळाव्यात सहभागी होणे बंधनकारक आहे. डिजिटल मिडिया परिषदेचे राज्य कार्याध्यक्ष संतोष शिंदे,उपाध्यक्ष अनिल उंबरकर, प्रदेश सदस्य अनिल धुपदाळे कोल्हापूर ,प्रदेश सदस्य जितेंद्र सिरसाठ बीड मराठवाडा,प्रदेश सदस्य तानाजी जाधव सांगली, प्रदेश सदस्य मल्हार पवार कर्जत रायगड, प्रदेश सदस्य शेख अफताब अहिल्याबाईनगर या सर्व राज्यस्तरीय पदाधिकारी यांनी जबाबदारी घ्यावी.आपणास व इतर पदाधिकारी यांचे काही म्हणणे असल्यास आम्हाला संपर्क साधावा असे आवाहनही डिजिटल मिडिया परिषदेचे प्रदेशाध्यक्ष अनिल वाघमारे यांनी केले आहे.
