पंतप्रधान ग्राम सडक योजना कामांत गुणवत्ता वाढीसाठी प्राधान्य देणार – ना.जयकुमार गोरे
सातारा वार्ताहर
ग्रामविकास मंत्री जयकुमार गोरे यांनी मंत्रिमंडळाच्या सचिव व अधिकारी यांची बैठक घेऊन महाराष्ट्र राज्यातील मुख्यमंत्री सडक योजना व पंतप्रधान सडक योजना याबाबत चर्चा केली व कामाचा दर्जा सुधारण्यासाठी काय उपाय योजना करता येईल याबाबत चर्चा केली.
प्रधानमंत्री ग्राम सडक योजना व मुख्यमंत्री ग्राम सडक योजनेच्या माध्यमातून तयार करण्यात येणाऱ्या रस्त्यांच्या कामात पारदर्शकता व गुणवत्तापूर्ण कामाला प्राधान्य देण्याचे निर्देश ग्रामविकास व पंचायतराज मंत्री जयकुमार गोरे यांनी दिले आहेत.
मंत्रालयात प्रधानमंत्री ग्राम सडक योजना व मुख्यमंत्री ग्राम सडक योजनेच्या तसेच कंत्राटी कामगार वेतन थकबाकीबाबत आढावा बैठक झाली.
यावेळी मुख्यमंत्री ग्रामसडक योजनेचे सचिव सतिश चिखलीकर, वित्तीय नियंत्रक अभय धांडे, उपसचिव प्रशांत पाटील, कार्यासन अधिकारी विवेक शिंदे, अच्युत इप्पर, विजय चौधरी आदी उपस्थित होते.
