म्हसवड पोलीसांची धडाकेबाज कामगिरी, वाळू माफिया अटक.

सहाय्यक पोलीस निरीक्षक अक्षय सोनवणे यांची स्टाफसह पुन्हा एकदा अवैध धंद्यांवर धडक कारवाई

वाळू माफियांना दणका

अवैध वाळू उपसा व वाळू वाहतूक करणाऱ्या आरोपीस पिकअप टेम्पो आणि वाळूसह ताब्यात घेऊन अटक

5 लाख 5 हजार रुपये किमतीचा मुद्देमाल जप्त

म्हसवड ( प्रतिनिधी):—
म्हसवड पोलीस ठाणे हद्दीतील मानगंगा नदीच्या पात्रातून एक पांढऱ्या रंगाच्या पिकअप टेम्पोमध्ये वाळू भरून चोरटी वाहतूक करीत असले बाबतची खात्रीशीर बातमी काढून सदर पिकअपला पकडण्यासाठी जाऊन त्याचा म्हसवड परिसरात शोध घेतला असता म्हसवड बाजू कडून म्हसवड ते माने वस्ती जाणारे रोडवर मल्हार नगर येथील समाज मंदिराशेजारी पाठलाग करून पकडले असता त्यामध्ये वाळू भरलेली दिसून आली. त्यामुळे या अनुषंगाने म्हसवड पोलीस ठाण्यात आरोपी 1) कुलदीप संपत माने राहणार माने वस्ती म्हसवड तालुका माण, जिल्हा सातारा याच्यावर गुन्हा दाखल करण्यात आलेला असून पिक अप टेम्पो , वाळू असा 5 लाख 5 हजार रुपये किमतीचा मुद्देमाल जप्त करण्यात आलेला आहे. या कारवाईमुळे अवैध वाळू उपसा करणारे व वाळू वाहतूक करणारे यांचे धाबे दणाणले आहेत.

सदरची कामगिरी ही माननीय वरिष्ठ पोलीस अधिकारी सातारा जिल्हा यांच्या मार्गदर्शनाखाली खालील पोलीस अधिकारी आणि अंमलदार यांनी केलेली आहे.

सहाय्यक पोलीस निरीक्षक अक्षय सोनवणे, अनिल वाघमोडे, नवनाथ शिरकुळे यांनी या कारवाईत भाग घेतला..