म्हसवड (वार्ताहर)-
शेतकऱ्यांना दिल्या जाणाऱ्या अनुदानित युरिया खताची ज्यादा दराने विक्री व इतर खतांची बेकायदेशीर विक्री करून शेतकरी व शासनाची फसवणूक केल्याबद्दल म्हसवड पोलीस ठाण्यात गुन्हा दाखल झालेला आहे.
कृषी अधिकारी श्रीमती शितल रामचंद्र घाडगे वय 28 वर्षे, व्यवसाय- नोकरी, पदनाम- कृषी अधिकारी (गुण नियंत्रण) तालुका कृषीअधिकारी दहिवडी रा. तुपेवाडी रोड दहिवडी ता.माण जि.सातारा पथकाने धाड टाकून जादा दराने युरीया विक्री करणाऱ्या विक्रेते यावर म्हसवड पोलीस स्टेशनमध्ये गुन्हा दाखल केला आहे.
म्हसवड ता.माण गावचे हद्दीत मे.बाप्पा.कृषी सेवा केंद्र म्हसवड ता.माण या ठिकाणी चौकशी व तपासणी करणे कामे जिल्हास्तरीय भरारी पथक सातारा अध्यक्ष श्री. गजानन ननावरे ,कृषी विकास अधिकारी जिल्हा परिषद सातारा व श्री.संजय फरतडे जिल्हा गुण नियंत्रण निरीक्षक सातारा यांची समवेत गेलो होतो. तेव्हा दुकानदार मध्ये दुकान मालक मंगेश अशोक सावंत रा. म्हसवड ता.माण जि.सातारा, कामगार-रोहन खांडेकर हे व खत खरेदी करणेकरिता आलेले शेतकरी उपस्थित होते. तेव्हा आमचे समक्ष युरिया खताची 300/- रुपये प्रती गोणी प्रमाणे विक्री व त्यासोबत इतर निवीष्ठांचे लिंकींग होत असल्याचे निदर्शनास आले.
तसेच त्यांचेकडे आवश्यक कागदपत्रे उपलब्ध नसलेने शेतक-यांना दिला जाणारा अनुदानित युरिया खताची ज्यादा दराने विक्री व त्यासोबत इतर खतांची लिंकींगद्वारे विक्री करुन शेतकरी व शासनाची फसवणुक केल्याने माझी मंगेश अशोक सावंत रा. म्हसवड ता.माण जि.सातारा यांचे विरुद्ध तक्रार आहे अशी तक्रार दाखल केली आहे.
यानुसार सहायक पोलिस निरीक्षक अक्षय सोनवणे यांच्या मार्गदर्शनाखाली हवालदार एन एन पळे अधिक तपास करत आहेत.
…..
Leave a Reply