म्हसवड प्रतिनिधी
ऊस तोडीच्या पैशाच्या कारणावरून चुलत्याचा खून केल्याप्रकरणी पुतण्यास (आरोपी) जन्मठेप
म्हसवड प्रतिनिधी
ऊस तोडीच्या पैशाच्या कारणावरून चुलत्याचा खून केल्याची घटना कुकुडवाड तालुका माण येथे 19/5/20 मध्ये घडलेली होती.
या घटनेनंतर पोलिसांनी तपास करीत आरोपी संदिप वसंत चव्हाण यांचेवर गुन्हा दाखल केला होता.
याप्रकरणी वडूज जिल्हा न्यायाधीश यांनी सदर आरोपीस जन्मठेपेची शिक्षा सुनावली आहे.
थोडक्यात हकीकत –
कुकुडवाड कारंडे वाडी येथील संदीप वसंत चव्हाण याने त्याचा चुलता मयत लक्ष्मण अण्णा चव्हाण वय 49 वर्ष याचे सोबत ऊस तोडीचे पैशाचे कारणावरून भांडण करून मयत हे त्यांचे घराचे अंगणात झोपलेले असताना चिडून जाऊन घरातील मटण कापण्याचा सुरा घेऊन त्याने मयत यांचे गळ्यावर सुरा मारून गंभीर जखमी करून खून केला होता . यानंतर पोलिसांत गुन्हा दाखल करण्यात आला.
सदर गुन्ह्यात सहा.पो.नि.श्री. गणेश वाघमोडे यांनी साक्षीदारांचे जाब-जबाब नोंदवले तसेच वैद्यकीय पुरावे जमा केले व कसून तपास करून आरोपींविरुद्ध मा.जिल्हा सत्र न्यायालय, वडुज येथे दोषारोपपत्र दाखल केले.
वडूज येथील अति.जिल्हा व सत्र न्यायालयात या कामी सरकारी पक्षाच्या वतीने सरकारी वकील श्री. अजित प्रताप कदम (साबळे) यांनी काम पाहिले यामध्ये सरकार पक्षाच्या वतीने 8 साक्षीदार तपासण्यात आले.साक्षीदारांचे जाब-जबाब, कागदोपत्री पुरावा, वैद्यकीय पुरावा व सरकारी वकिलांचा युक्तिवाद ग्राह्य धरून मा. जिल्हा व सत्र न्यायाधीशसो श्री.आर.व्ही.हुद्दारसो यांनी आरोपीला भा.द.वि.स कलम 302 अन्वये दोषी ठरवून दि.29/03/2025 रोजी आरोपी – संदीप वसंत चव्हाण वय – 28 वर्ष रा. कारंडेवाडी (कुकुडवाड) ता.मान जि.सातारा
भा.द.वि.स कलम 302 अन्वये जन्मठेप व 5000 रू दंड व दंड न भरल्यास 6 महिने साधी कैद
अशी शिक्षा सुनावली.
सदर खटला चालवणे कामी उपविभागीय पोलिस अधिकारी मा.अश्विनी शेंडगे(मॅडम), स.पो.नि. अक्षय सोनवणे म्हसवड पोलीस ठाणे यांनी मार्गदर्शन केले.
तसेच प्रॉसिक्युशन स्क्वाड पो.उप. नि.दत्तात्रय जाधव, म.पो.हवा. 2086 विजयालक्ष्मी दडस, पो. कॉ.585 सागर सजगणे, पो. कॉ. 292 अमीर शिकलगार, पो.कॉ. 2414 जयवंत शिंदे, यांनी सहकार्य केले.
