वाळू माफियांना दणका
अवैध वाळू उपसा व वाळू वाहतूक करणाऱ्या आरोपीस ट्रॅक्टर, ट्रॉली आणि वाळूसह ताब्यात घेऊन अटक
तब्बल 7 लाख 33 हजार रुपये किमतीचा मुद्देमाल जप्त
म्हसवड वार्ताहर
हकीकत*
म्हसवड पोलीस ठाणे हद्दीतील मानगंगा नदीपात्रात एक लाल रंगाचा ट्रॅक्टर व लाल रंगाची ट्रॉलीमध्ये वाळू भरून चोरटी वाहतूक करीत असले बाबतची खात्रीशीर बातमी काढून सदर ट्रॅक्टर व ट्रॉलीला पकडण्याकरिता म्हसवड, शिरताव, पूळकोटी अशा बाजूने जात असताना शिरताव ते पूळकोटी जाणाऱ्या रोडवर बनगरवाडी गावचे पूलाजवळ एक लाल रंगाचा ट्रॅक्टर, ट्रॉलीसह रोडवर दिसल्याने त्याचा पाठलाग करून पकडले असता त्यामध्ये वाळू भरलेली दिसून आली.
त्यामुळे या अनुषंगाने म्हसवड पोलीस ठाण्यात सुरज महादेव गोरवे याच्यावर गुन्हा दाखल करण्यात आलेला असून ट्रॅक्टर, ट्रॉली, वाळू असा 7 लाख 33 हजार रुपये किमतीचा मुद्देमाल जप्त करण्यात आलेला आहे. या कारवाईमुळे अवैध वाळू उपसा करणारे व वाळू वाहतूक करणारे यांचे धाबे दणाणले आहेत.
सदरची कामगिरी ही माननीय वरिष्ठ पोलीस अधिकारी सातारा जिल्हा यांच्या मार्गदर्शनाखाली खालील पोलीस अधिकारी आणि अंमलदार यांनी केलेली आहे.
सहाय्यक पोलीस निरीक्षक अक्षय सोनवणे, पोलीस उपनिरीक्षक अनिल वाघमोडे, नवनाथ शिरकुळे, सतीश जाधव, अनिल वाघमोडे, संतोष काळे, योगेश सूर्यवंशी,भास्कर गोडसे, राहुल थोरात, विनोद सपकाळ यांनी या कारवाईत भाग घेतला.
