लोणंद (प्रतिनिधी -)–
(मा.सभापती, समाजकल्याण समिती सातारा)
राजकीय कारकिर्दीत पंचायत समिती, जिल्हा परिषदेत जनतेने संधी दिल्यापासून आत्तापर्यंत मतदारसंघातील प्रत्येक गावात विकास कामांचा डोंगर उभा केला आहे, यापुढेदेखील भारतीय जनता पार्टीच्या माध्यमातून भादे जिल्हा परिषद गटात सर्वांगीण विकास साधणार असल्याचे प्रतिपादन समाजकल्याण समितीचे माजी सभापती मा.आनंदराव शेळके-पाटील यांनी केले.
खासदार श्री.छ.उदयनराजे भोसले यांच्या निधीतून कराडवाडी येथील वाघोशी रस्ता ते कोळेकर घर कॉंक्रिटीकरणाचा शुभारंभ वेळी शेळके-पाटील बोलत होते.
यावेळी जेष्ठ नेते शरदकाका देशपांडे, खंडाळा पुर्व मंडल अध्यक्ष देविदास चव्हाण, भापजा जिल्हा सरचिटणीस हर्षवर्धन शेळके-पाटील, कार्यकारिणी सदस्य अनिल कुदळे, गोरख धायगुडे, नारायण ठोंबरे, बापूसाहेब खोपडे, प्रकाश कराडे, दिलीप कराडे, शरद कराडे, मल्हारराव कराडे, कुंडलिक ठोंबरे, विठ्ठल केसकर, विकास ननवरे, पोलीस पाटील शुभांगी कराडे, दिपाली कराडे, ग्रामसेवक राऊत उपस्थित होते.
यापुढील काळात असाच विकास होणेसाठी ग्रामविकासमंत्री जयकुमार गोरे यांच्या पाठीशी सर्वांनी ठामपणे उभे रहावे अशी अपेक्षा शेळके-पाटील यांनी केली.
भादे जिल्हा परिषद गटातील नागरिकांची विकासकामे, मूलभूत गरजा या महत्वकांशी मानून त्या प्रामुख्याने सोडवल्या जातील असा विश्वास भाजप जिल्हा सरचिटणीस हर्षवर्धन शेळके-पाटील यांनी दिला.
येणाऱ्या जिल्हा परिषद, पंचायत समिती निवडणुकीत भाजपचे सर्व उमेदवार निवडून देऊ अशी ग्वाही सरपंच शरद कराडे यांनी यावेळी दिली.
स्वागत गोरख कराडे यांनी केले व आभार रामभाऊ कराडे यांनी मानले.
भाजपच्या माध्यमातून भादे गटात विकासकामे मार्गी लावणार- मा.आनंदराव शेळके-पाटील
Leave a Reply