मूकबधिर विद्यालयास प्रोजेक्टर भेट !

Spread the love

अनिल वीर
सातारा : येथील समता प्रसारक मंडळ संचालित मूकबधिर विद्यालय येथे सागर दिलीप कांबळे यांनी त्यांच्या पहिल्या पगारातून विद्यार्थ्यांना प्रोजेक्टर भेट दिला आहे.
विद्यार्थ्यांना विषयाचे आकलन व्हावे. विज्ञानातील संकल्पना सोप्या व स्पष्ट होण्यासाठी या प्रोजेक्टरचा उपयोग होईल. कार्यक्रमाच्या सुरुवातीला शाळेच्या मुख्याध्यापिका हेमलता जगताप यांनी सागर कांबळे यांचे
विद्यार्थ्यांनी तयार केलेले गुलाब पुष्प देऊन स्वागत केले.किरण जगताप यांनी प्रास्ताविकपर सागर कांबळे यांची शिक्षणाविषयीची भूमिका स्पष्ट केली.सागर कांबळे यांनी या उपकरणाचे फायदे समजावून सांगितले व प्रात्यक्षिक करून दाखविले.सदरच्या कार्यक्रमास शिक्षक,कर्मचारी व अध्यानार्थी उपस्थीत होते.सुरेश जगताप यांनी आभार मानले.