म्हसवड (प्रतिनिधी)—
अल्पवयीन मुलीला मारहाण करून विनयभंग केल्याप्रकरणी
दादा पांडुरंग खांडेकर* वय – 40 वर्ष रा. खांडेकर वस्ती (म्हसवड) ता. मान जि. सातारा यास तीन वर्षे कारावास व एक हजार रुपये दंड अशी शिक्षा वडूज जिल्हा न्यायालयाने ठोठावली आहे.
अधिक माहिती अशी
आरोपी दादा पांडुरंग खांडेकर* वय – 40 वर्ष रा. खांडेकर वस्ती (म्हसवड) ता. मान जि. सातारा यानेदि.04/09/2020 रोजी सायंकाळी 4 वा. चे सुमारास मौजे म्हसवड ता.मान जि.सातारा गावचे हद्दीत रोडला असलेले महादेव मळा येथे फिर्यादीचे शेतातदोन अल्पवयीन मुली म्हशी चारण्याकरीता गेल्या असता आरोपी याने फिर्यादीच्या दोन्ही अल्पवयीन मुलींचा पाठलाग करून त्यापैकी एक अल्पवयीन मुलगी तेथून पळून गेल्यावर दुसरी अल्पवयीन मुलगी पळत असताना खाली पडल्याने तिला दमदाटी करून तिची छाती दाबून तिच्या मनाला लज्जा उत्पन्न होईल असे कृत्य करून तिला हाताने मारहाण केली होती.तसेच फिर्यादीला धक्काबुक्की केली होती.
याबाबत म्हसवड पोलीसात गुन्हा दाखल करण्यात आला होता.
एपीआय गणेश वाघमोडे, एपीआय बाजीराव ढेकळे यांनी याबाबत तपास करुन आरोपपत्र दाखल केले होते..साक्षीदारांचे जाब-जबाब, कागदोपत्री पुरावा, वैद्यकीय पुरावा व सरकारी वकिलांचा युक्तिवाद ग्राह्य धरून मा. जिल्हा व सत्र न्यायाधीश श्री.एन.एस.कोलेसो यांनी आरोपीला पोक्सो कलम 8 व भा.द.वि. स. कलम 323 अन्वये दोषी ठरवून आज दि.10/04/2025 रोजी
आरोपी – दादा पांडुरंग खांडेकर वय – 40 वर्ष रा. खांडेकर वस्ती (म्हसवड) ता. मान जि. सातारा यास
पोक्सो कलम 8 अन्वये 3 वर्ष सश्रम कारावास व 1000 रुपये दंड आणि दंड न भरलेस 1 महिने साधी कैद व भा.द.वि. स. कलम 323 अन्वये 3 महिने साधी कैद अशी शिक्षा सुनावली आहे.सदर खटला चालवणे कामी उपविभागीय पोलिस अधिकारी मा.अश्विनी शेंडगे(मॅडम), स.पो.नि. अक्षय ए. सोनवणे म्हसवड पोलीस ठाणे यांनी मार्गदर्शन केले.तसेच प्रॉसिक्युशन स्क्वाड पो.उप. नि.दत्तात्रय जाधव, म.पो.हवा. 2086 विजयालक्ष्मी दडस , पो. कॉ. 292 अमीर शिकलगार , पो. कॉ.585 सागर सजगणे , पो.कॉ. 2414 जयवंत शिंदे यांनी सहकार्य केले.
…..
