म्हसवड (दि. ५ जून): जागतिक पर्यावरण दिनाचे औचित्य साधून म्हसवड नगरपरिषदेच्या वतीने शहरात भव्य सायकल रॅली व वृक्षारोपणाचा कार्यक्रम पार पडला. या उपक्रमात नगरपरिषदेचे अधिकारी, कर्मचारी तसेच वन विभागाचे अधिकारी व शहरातील प्रतिष्ठित नागरिक मोठ्या संख्येने सहभागी झाले.
या कार्यक्रमाच्या प्रमुख उपस्थितींमध्ये इंजि. सुनील पोरे, डॉ. डी पी खाडे, राजेंद्र डॉ. मोडासे, डॉ. दादासाहेब खरात, डॉ. रमेश काटकर, डॉ. चेतन गालंदे, डॉ. सनोद व्होरा डॉ अभिजीत खाडे यांचा समावेश होता.
त्यांनी पर्यावरणाचे महत्त्व अधोरेखित करत नागरिकांनी अधिकाधिक वृक्षारोपण करण्याचे आवाहन केले.
सायकल रॅलीला शहरातून सुरुवात होऊन विविध भागांतून फेरफटका मारत सिद्धनाथ मंदिर परिसरात समारोप झाला. त्यानंतर मंदिर मागे वृक्षारोपण करण्यात आले. या वेळी विविध प्रजातींची झाडे लावून त्यांचे संगोपन करण्याची जबाबदारीही स्वीकारण्यात आली.
कार्यक्रमाचे स्वागत व आभार प्रदर्शन सागर सरतापे यांनी केले. त्यांनी पर्यावरण रक्षणाच्या दृष्टीने नागरिकांनी अशा उपक्रमांमध्ये सक्रिय सहभाग नोंदवावा, असे आवाहन केले.
या उपक्रमामुळे शहरात पर्यावरण जागृती निर्माण होऊन हरित म्हसवडच्या दिशेने एक महत्त्वपूर्ण पाऊल टाकले गेले आहे.
