औंध प्रतिनिधी-ओंकार इंगळे
खटाव तालुक्यातील १३३ ग्रामपंचायतीची सरपंच आरक्षण सोडत शुक्रवारी दि. ४ जुलै रोजी सकाळी ११ वाजता वडूज येथील पंचायत समितीच्या बचत सभागृहात आयोजित केल्याची माहिती तहसीलदार बाई माने यांनी दिली.
याबाबत संबंधित गावाचे ग्राम महसूल अधिकारी यांनी सरपंच पदाचे आरक्षण सोडतीची जाहीर प्रसिद्धी गावात दवंडी देऊन करावी तसेच ग्रामपंचायतीच्या व पंचायत समिती खटाव, (वडूज) च्या नोटीस बोर्डवर लावण्यात यावी त्याचप्रमाणे सरपंच आरक्षण सोडतीचा अहवाल समक्ष सादर करण्याचे आव्हान तहसीलदार बाई माने यांनी केले आहे.
यापूर्वी २३ एप्रिल रोजी खटाव तालुक्यातील १३३ ग्रामपंचायत सरपंच आरक्षण सोडत जाहीर झाली होती. मात्र शासन निर्णयानुसार इतर मागास प्रवर्गाच्या आरक्षणात बदल झाल्यामुळे पुन्हा नव्याने शुक्रवारी दि. 4 रोजी सकाळी 11 वाजता वडूज येथील पंचायत समितीच्या बचत सभागृहात सरपंच आरक्षण सोडत होणार आहे.
