आ. जयकुमार गोरेंचा दणदणीत विजयी चौकार | आमचं ठरलंय टीम पुन्हा अपयशी
दहिवडी- वार्ताहर…
माण खटाव विधानसभेची सुरुवातीला रंगतदार व चुरशीची वाटणारी लढत जयकुमार गोरे आणि शेखर गोरे या बडे मिया छोटे मिया जोडीने एकतर्फी विजय खेचून आणत ४९४९७ इतक्या मताधिक्याने चौथ्यांदा विजयी झाले व राष्ट्रवादी शरद पवार गटाचे उमेदवार प्रभाकर घार्गे यांना ९८९१७ मते मिळून पराभूत झाले
जयकुमार गोरे यांचा विजयी रथ रोखण्यासाठी सनदि अधिकारी प्रभाकर देशमुख, अनिल देसाई, अभयसिंह जगताप यांनी माणमध्ये २०१९ प्रमाणे २०२४ ला आमचं ठरलंय टीमने एकत्र येऊन ताकदीने काम केले. २०१९ ला ३०४३ मतांनी निसटता विजय झाल्याने त्यांनी ५ वर्षामध्ये विकास कामाचा डोंगर उभा केला. २०२४ माण खटावच्या जनतेची सेवा करण्यासाठी अहोरात्र झटून उरमोडी आणि जिहे कटापुरचे पाणी शेवटच्या गावापर्यंत शेतकऱ्यांच्या बांधापर्यंत पोहचविले त्यामुळे माण खटावच्या जनतेने विकासकामे केलेल्याची जाण ठेऊन जयकुमार गोरे यांना मोठ्या मताधिक्याने चौथ्यांदा आमदार बनविले.
जयकुमार गोरे यांना शासनाची लाडकी बहीण योजना व उरमोडी आणि जिहे कटापुरचे पाणी या दोन योजना व गेल्या दहा वर्षापासून विरोधात असणारा सख्खा भाऊ शेखर गोरे एकत्र आल्याने व कायमच विरोधात असणारे डॉ. दिलीप येळगावकर व मार्डीचे डॉ. संदीप पोळ यांच्यामुळे मतांचा डोंगर उभा राहिला आणि विक्रमी मताने निवडून येऊन स्वतःचा विक्रम मोडला.
राष्ट्रवादी शरद पवार गटाचे उमेदवार प्रभाकर घार्गे यांना अचानक शेवटच्या टप्प्यामध्ये उमेदवारी मिळाल्याने त्यांना प्रचारसाठी वेळ मिळाला नाही व मतदारांसमोर जाताना विकास कामाचा कोणताही अजेंडा दाखवायला नसल्याने मतदारांनी कोणत्या मुद्द्यावर मतदान करायचे असे प्रश्न समोर असल्यामुळे आणि जयकुमार गोरे यांच्या विकास कामाचा डोंगर उभा असल्यामुळे प्रभाकर घार्गे यांना ८८७१७ मते मिळून ४९४७९ मतांनी पराभव पत्करावा लागला.
जयकुमार,शेखर, आणि अंकुश गोरे तिन्ही भावांनी अहोरात्र घेतलेल्या कष्टामुळे माण तालुक्यातील मोठ्या ग्रामपंचायतमध्ये मोठे मताधिक्य मिळाले तर प्रभाकर घार्गे यांना माण मधून १०% गावामध्ये मताधिक्य मिळाले. तर खटाव मधूनही मोठ्या ग्रामपंचायतमध्ये जयकुमार यांना मताधिक्य मिळाले आहे. त्यामध्ये म्हसवड, दहिवडी, पळशी, मलवडी, गोंदवले, वरकुटे मलवडी, बिदाल,वडूज या मोठा गावामध्ये जयकुमार यांना मताधिक्य मिळाले आहे.
